للإبل ألوان مختلفة ولكل لون عشاقه وأساس الألوان (الأبيض والأسود) وإليهما تنسب من الأبل (العضر.. والمجاهميم) والشاعر فهد الحربي يعشق المجاهيم وقد عبر عن ذلك بالأبيات التالية: |
انا هواي ورغبتي بالمجاهيم |
واللي ماهي ملحا تبارك لهلها |
هوايتي يوم الهوايه مقاسيم |
مابعتها من شان ادور بدلها |
سود البكار المكرمات المراديم |
اللي من القفر الخلاوي عدلها |
اللي فحلها مايبيع لوسيم |
ومقهورها طبق الأصل من فحلها |
جرد الرقاب الى زهتها الطراخيم |
شرف الأذان اللي على المشي ولها |
متفهقات الني سند المقاديم |
الصوت من راع الرحول يهبلها |
تمشي مئة كيلو ليا مسها الظيم |
وستين كيلو يوم تمشي مهلها |
يم الفياض الى مثل روضة خريم |
اللي هو الغربي يداعب سبلها |
ماداس خضرتها كواشيت ونعيم |
ما تحصل الاجرة البل واهلها |
وما جاب راعيها نخاله وبرسيم |
الا جهوده بالعساسه بذلها |
قلته وانا الى عندي ظروف ومقيم |
وبعض الظروف اشيلها واحتملها |
ولا يستوي مشي مع البل وتعليم |
بس الهوايه فيّ تعمل عملها |
أمرا من منزل (تبارك وحم) |
اللي ما هي سودا تبارك لهلها |
فهد بن هجاج الحربي |
|
