ادخل على الله لا تزود ونيني |
لا تجرح إحساس الغلا بالتغلي |
خلك معي واعطيك صافي حنيني |
وتشوف قدرك يا بعد كل من لي |
أنا أحبك ما لحبك وزيني |
وإن غبت دمع العين لجلك يهلي |
ليش القساوة ليت قلبك يليني |
يا ليتني أنسى عذابي وغلي |
فيني تعيش بصدق وإن قلت فيني |
دمي هواي وشوق قلبي وخلي |
تسوى بحياتي شي والله ثميني |
غالي لأنك يالغلا غايةٍ لي |
أشوف بك أشياء تسعد سنيني |
وأشوف إنك واحد جايز لي |
ومهما تسوي انت وحدك ضنيني |
انت الذي لرضاك بهديك فلي |
بس اطلبك وارجوك كانك تبيني |
عجل بوصلك يا بعد كل ملي |
فهيد البقعاوي |
|
