قصيدة في الشاعر المغفور له بإذن الله سويلم بن هندي العريدي الثبيتي
|
مالوم ابوهزاع في عبرةً له |
بغى يذاودها وهلة غصيبه |
وان كان هل الدمع عيني تهله |
وكلن بكى راع العلوم العجيبه |
سويلم ولد هندي عساه ولعله |
يكسب خضر جنات عدنٍ نصيبه |
نرجيك ياللي بالدعا وامرٍ له |
اقبل دعانا يالولي واستجيبه |
مرحوم ياللي ما يعوض محله |
يا كبرها يا عبرها من مصيبه |
واسيفنا اللي بالمواقف نسله |
كم من عدواً مجلداً منه هيبه |
شاعر علم كل الملا شاهدن له |
فرايده وسط الجزيره غريبه |
يلعب بها اللي معتلي فوق تله |
واللي سرا من فوق وسق النجيبه |
واليا حضر في مجلسن ماتمله |
كل الوجيه تلد يمه رقيبه |
يالله يامنشي المزون المظله |
احسن عزانا فيه شيب وشبيبه |
سالم بن حرقان العريدي الثبيتي |
|
