الصدق له مع سايد الحق مطلاع |
والكذب له مع غير يمه مطاليع |
كم واحد مغريه رايه ولو ضاع |
في خاطره عنده لمن ضاع تسنيع |
وكم واحد للي يشيرون مطواع |
للي عطاه الراي ممنون ومطيع |
قلبه ليا شاروا هل العرف سماع |
ياخذ من الاريا ثمرها بلا بيع |
وكثر التجارب درس والدرس نفاع |
فيها لذربين الرجاجيل ترفيع |
احرص على ربعه شريفين الاطباع |
لو هم من الأجناب فيهم منافيع |
كم نازح يشرى والأقراب تنباع |
بيعة رجا ماهيب بيعة تقاطيع |
لا تستوي بالغيض صارم وجزاع |
على رفيق شفت منه التواجيع |
لا عاش من دايم على الربع صعصاع |
ومقطع جيبه يدين الفراريع |
وان طعت راي اللي درس كل الأوضاع |
الميز هو مصراع كل المصاريع |
مرشد البذال |
|
