بنت الخجل عطر الهوى غضت العين |
رواحة المزنه مصب السحابه |
انتي سالتيني هنا من تكونين |
وهذا السؤال اللي يدور اجابه |
شاب الهوى فينا واجابته بعدين |
وبعدين؟ يا روح الغرام وشبابه |
مرات كنك تشترين الغلا دين |
ويملي عليه وجد حبك حسابه |
ومرات احس انك خلقتي تعيشين |
بين اليدين وفي ضلوعي مهابه |
فتنه من حلوق المباهير تروين |
ووجه كتب فيه الغلا وانقرابه |
حبك مثل ساري خلا طرقته وين |
ضوء الحشا جت به ونوّخ ركابه |
قلت استرح عيّد هنا بين ضلعين |
الدرب موحش والليالي تشابه |
ازرعني انس انك زرعت الشرايين |
على رمل ضلعك وحولي ضبابه |
وجيتي مثل نسمة مطر بين كفين |
ضايق بها صدر السماء والرحابه |
تحدرت وارخت هماليلها لين |
وبل الصبابه كل عرق امتلابه |
حضرة غلاي المحترم بين قوسين |
يا كبر حبك فالحشاء يا جنابه |
سعود بادي |
|
