ألا يا زمان مات ما تنوي المظهار |
تشوف وتعجب كيف شكل الرجاجيلي |
زمان العجايب فيه كل الكبار اصغار |
غدا الثوم مثل العود والند والهيلي |
أشوف اليمين بوقتنا اليوم صار ايسار |
واشوف الردي فيما مضى صار حلحيلي |
واشوف العلوم الطيبة مال أهلها كار |
واشوف الدراهم ترفع النذل بالحيلي |
شربنا من الوقت الردي بالكفوف امرار |
ورضينا على رغم الكبود المغاليلي |
ألا يا وجودي وجد من داس جمر النار |
على جيلي اللي راح ويلاه يا جيلي |
عل الله ما نشكي وطبع الزمن دوار |
نشوف السعادة في الليال المقابيلي |
عبدالله السياري |
|
