يا سيدي سلطان حنا نتحراك |
عساك ترجع يمنا بالسلامه |
يا سيدي جعل المنايا تعداك |
ونشوفك مداوم بقصر اليمامه |
من غيبتك يامير حنا فقدناك |
يا حي هاك الوجه والابتسامه |
صدق ابتساماتك وضحكة محياك |
توحي عن اللي فيك طيب وشهامه |
ما صدق عباراتك وما طيب نواياك |
ومن رحمتك حضنت طفل بفطامه |
ومن العطا يامير ما جزل عطاياك |
لجاك محتاج شقا الوقت ظامه |
يسراك ما تدري بمدات يمناك |
يمناً تعداها البخل والملامه |
يابو الأرامل واليتامى ومن جاك |
يلقى الوفا يا سيدي واحترامه |
فيك التواضع والوفا من مزاياك |
والصدق بالأعمال والاستقامه |
يعم كل الشعب جودك وحسناك |
ولافيه شخص منك مادرك مرامه |
تزهى الشعر يامير والشعر يزهاك |
ولا يوفي الشاعر بحقك كلامه |
في حال مثل طويق ما يقرب حماك |
عند الزعل بحر يزود التطامه |
وعند الرضا والعطف حيّاك حيّاك |
كلك وفا كلك عطايا كرامه |
عسانا ليا جينا ندورك نلقاك |
يامير يا حر عزيز مقامه |
انت الذي ماحد يسوي سواياك |
الا المليك اللي يقود الزعامه |
الله يرعى لبومتعب ويرعاك |
بجاه من ينشي مزون الغمامه |
مطلق بن طالع الحلفي المطيري |
|
