لا مال بك وقتك وجاك يتهايل |
وضاقت عليك وزوِّد الصاع صاعي |
أعرف ترى بالناس راعي جمايل |
طيب وطيبه صدق ما هو صناعي |
أنصاه وأترك فاعلين الهزايل |
اللي يكبونك وراهم اتراعي |
أنصى هل الفزعات والرأس طايل |
ما للمواقف غير صلب الذراعي |
اللي على الطالات والعز نائل |
تشوف في وجهه بياض وشعاعي |
يا كثر شكله مع عيال الحمايل |
اللي منازلهم تجي بالرفاعي |
أهل النقاء والمرجلة والنفايل |
وأهل المكارم طيبين الطباعي |
الله مجملهم بوسط القبايل |
وتاريخهم في كل مجلس يذاعي |
الطيب وهبه والمواقف دلايل |
ومن لا وقف بين الرجاجيل ضاعي |
والمدح لولا طيبين الفعايل |
ما صار له بين المخاليف داعي |
والصدق حجة والسوالف مخايل |
ومن لا صدق في كلمته ما يطاعي |
حمدي ماطر العوفي- الرس |
|
