يالحبيبه مثل ما العفو عند المقدره
|
اعتبرني قد تجاوزت شكي باليقين
|
والنتيجه باعتبرها عقاب ومغفره
|
للقرار المر والعمر ماهو مرتين
|
لا تحدين الحناجر لصوت تجهره
|
السكوت أفضل طريقة لفرقا العاشقين
|
الزعل مافي صدور الأوادم يظهره
|
كان باقي شي خافي لعله ما يبين
|
والبحر ماكل من مر موجه يعبره
|
والتهور ما سلم منه غير السالمين
|
أدري إن اللي نصح جاهلٍ ما يشكره
|
وأدري إن الحب راعيه ماله ناصحين
|
لكن إن القبر ماهوب مثل المقبره
|
كان طعتك ما بقي للسجن غير السجين
|
اعذريني وإن رفضتي بلاش المعذره
|
كم سنة وأنا بعزله عن اللي عاذرين
|
ياكثر مانيب غايب ومن غير اثمره
|
كثر ماني معك موجود عشرات السنين
|
يالحبيبة باختصار الحديث أبقصره
|
وإن رضيت من اختصاره ما ودي تزعلين
|
من يلوم الطير لا غاب عن ظل اشجره
|
ما يعذر الصبر لا طال عند الصابرين
|
جاك صمتي قبل بوحي تجيبين اخبره
|
اتمنى أكثر مانيب صادق تسمحين
|
والحقيقة ما بقى شي عندي بخصره
|
أنتي اللي لو خسرتي قليلك تخسرين
|
دحيم النومسي |
|
