ارحلي لو يزين الوقت والا يشين
|
في فوادي وعيني هجر الاشواق حان
|
ارحلي من خيالي في زحام اسنين
|
واتركيني لصدمات الهوى والزمان
|
كان ترضين والا يا عسى تزعلين
|
ما بقى في فوادي للمتاعب حنان
|
اكثر العمر طاف وكل وقتي حزين
|
كل ما قلت هذا صادق الحب خان
|
اتحاشا خسارة كل شيٍ ثمين
|
لكن الصعب عندي لجل خاطرك هان
|
تعرفين الجفا لكن لو تعرفين
|
الوفا كان قلبك عن تجافيه لان
|
والله ان الفواد اللي طواه الحنين
|
قبل عرفك يدين وبعد عرفك يدان
|
رغم هذا العذاب وعبرة كل حين
|
شان وقتي معك ووجه الايام شان
|
والله انك زمانٍ طاف رمشٍ وعين
|
بس ما عاد لك في وسط قلبي مكان
|
أحمد حمدان |
|
