سلام مسلم تقي صافي النية |
قلبه خلي من الحقد وبلاويّه |
سلامٍ معطرٍ بالمسك والكادي |
ومغلّفٍ بالمودّة ما حصل زيّه |
على ولي العهد جعل السعد فاله |
قايد هجوم ودفاعات السعوديّه |
ريف الضعيف وملاذ لكل محتاجي |
سلطان ما همّته هذي ولا ذيه |
برّاق خيرٍ يهلّ المزن لا لاحي |
من ماطره ترتوي قفرٍ خلاويّه |
حلوٍ على كبد من يارد على عدّه |
سمٍ ذحاحٍ على كبود المعاديّه |
في نخوة المعتصم في حنكة معزّي |
في حلم الأحنف ووقفات الهلاليّه |
في جود حاتم حكيمٍ مثل لقماني |
سبحان من ميّزه ميزات فطريّه |
يامن رددت النبي موسى لحضن أمه |
ألقته فاليّم راضيّه ومرضيّه |
ويامن رددت النبي يوسف ليعقوب |
وأبصر نبيك عقب مالعين معميّه |
ردّه لداره وشعبه سالمٍ غانم |
وافرح به قلوب محزونه ومبليّه |
المهندس ماجد بن ناحي بن محيا |
|
