مرثية في (عيد بن مسفر العصيمي)
|
كل ما جيت أبرثي عيد يقف القصيد |
عجزت الموهبة تلحق بنا مستواه |
أسهر الليل بالكراس وأكتب وأعيد |
واشرب الماء ولكن أتجرع ضماه |
غاب عن شوف عيني في حياتي عضيد |
آه من فقدتك يا خوي والفين آه |
أظهر إني سليت وهم قلبي يزيد |
لا جروحي جروح ولا دموعي مياه |
يالله إني طلبتك يالكريم المجيد |
تبدله خير دار وتوسع إله بثراه |
واكتبه يا ولي العرش عندك شهيد |
واجعله مع خيار الخلق في منتهاه |
أدري الصبر نعمة والجزع ما يفيد |
ما كتب لك يجيك وما كتب له لقاه |
كلنا للإله وكلنا له عبيد |
والصلاة وسلامي يا شفيع النجاه |
محمد بن مسفر العصيمي |
|
