إن كان تبغى لك قصيده جديده |
خذها وفيها من الوفى ما له حدود |
لا صرت متعافي وحالك شديده |
احذر تهاب ولا تجي كل منقود |
واحفظ عهودك واكتم اللي تريده |
قدام لا يركض بها كم مقرود |
الصبر طب فالسنين الشديده |
إليا اختفى ذعذاع الأرياح والنود |
لا تشتكي يا صاح يم البديده |
لو الدهر سوى على كبدك الهود |
اشتك على اللي حكمة الملك بيده |
ياما جعل عسراتها سهود ومهود |
ينصر عبيده ما يخيب عبيده |
مدام هم لرضاه ركاع وسجود |
والرجل حيد طويق يشبه لحيده |
مدام منهاجه على الدين والجود |
المرجله والدين دايم رصيده |
أطيب من الجزلات وأكود من الكود |
فواز ناصر العوني |
|
