هو جرح واحد وجاني مِنك واتعبني |
يعني دخيلك بلاشي تلحقه ثاني |
يكفي ضميري بما سوّيته أنبني |
اكفاني اللي حصل من ظِلمك اكفاني |
تدري وش اللي ذبحني فيك واعجبني |
انك تحبّه كثير الكِذب من شاني |
وتدري ولو قلبي المجروح عذبني |
ما اقول ذا مِنك اقول احساسي الجاني |
خذها بقايا القصايد ما تناسبني |
ماني بقايل دخيلك هذي أحزاني |
والونّه اللي على الذكرى تصاحبني |
اليوم ابطلب عسى تفتك بشرياني |
والموته اللي على العزّه تقربني |
يا زينها قاهره لقلوب عدواني |
والنجمه اللي تشرّقني تغربني |
بغمض العين عنها واكوي اجفاني |
سعد السهلي |
|
