مانيب ناقص جيتك لا تجيني |
خلك بعيد هناك وأنسى هوانا |
لا لا تحاول بالغلا والحنيني |
ما فات مات وانتهابه غلانا |
كنت الحبيب اللي ينور سنيني |
وكنت الذي بالحال شوفك دوانا |
وكنت الغلا ما فيه مثلك بعيني |
تامر ولك بالقلب كامل وفانا |
واليوم لا والله ما أنت بضنيني |
ولا تحسبنك عايش في سمانا |
غرك زمانك والكلام اليقيني |
لا لا ترجاني وتطلب لقانا |
ارحل بعيد وجعل ربك يعيني |
خلك تذوق اليوم لوعة شقانا |
وتعيش بالاوهام وذاك الونيني |
وتعرف بعد وشلون معنى جفانا |
بس الأكيد اليوم لا لا تجيني |
خلك بعيد هناك وأنسى غلانا |
فهيد البقعاوي |
|
