أطلق عنان الشعر وأبدع بالألحان |
وأسرج خيوله دام تقدر تقوله |
قلها بساس الجود والطيب سلطان |
درع الوطن وحماه رمز البطولة |
قلها جلال ود.. قدرٍ.. وعرفان |
باللي جميع الناس تقرب وصوله |
قلها بسلطان المواقف بليهان |
عبر و خذ في ساحة الشعر جوله |
عبر وخل القاف يطرب ويزدان |
في مدح من حاش الثناء والمطوله |
هذاك أبو خالد للأمجاد عنوان |
اللي نزل منزال ما حدٍ ينوله |
أبو اليتيم اللي عليه الدهر شان |
هذا الصحيح وماضياتٍ فعوله |
حقايقٍ عليه دلايل وبرهان |
الشاهد الله والعباد شهدوله |
والحمد للي سلمه عالي الشان |
نعمه من المولى وذي من فضوله |
ابن الزعيم الصيرمي طير حوران |
اللي صناديد الرجال خضعوله |
عبدالعزيز الليث زيزوم الأكوان |
بالسيف وحدها وسنة رسوله |
الظلم زال وصار للعدل ميزان |
بالمملكة كله بعرضه وطوله |
منها ودار العز ترفل بالأمان |
من عهد أبو تركي وعقبه نجوله |
حكام من حكام لدار صنوان |
اللي ثقيلات الحمول ارتكوله |
يعيش قايدنا سندنا كحيلان |
اللي اليا جت قالت صفقوله |
اللي غدا للعب منصى ومزيان |
لاستصعب الميقاف عنده حلوله |
العاهل اللي ذاد عن خير الأديان |
عبدالله اللي وافيات خصوله |
أطلق عنان الشعر وأبدع بالألحان |
وأسرج خيوله دام تقدر تقوله |
فهد بن عبدالعزيز الرميان - بريدة |
|
