طاري لي.. ما يجيبك.. لا هلا به |
ولا هلا بالطاري اللي.. ما يجيبك |
انتعش حرفي غلا.. عشق الكتابه |
فاض بي حبس الغرام.. وفاح طيبك |
عودك الأزرق... يضيعني.. واهابه |
انتعشت.. ارسم خيالك.. وانتشى بك |
ضعت.. بين النور.. من نار المهابه |
فلسفة سحر الحروف اللي تريبك |
قمت.. ناديت المطر روح السحابه |
علها تعطي.. من الديم.. وتصيبك |
رحت.. ارتبها درر.. دون الرتابه |
والوكاد.. ان القوافي.. تنتخي بك |
ضاعت الفكره.. وضيعت الإجابه |
اندهشت بقولتك.. شفني حبيبك |
ما هقيت.. ان القلم.. بحسب حسابه |
ينزف المعنى.. بداية.. وينتهي بك |
أزرت حروفي.. معانيها.. تشابه |
ما قوت تاصل.. مذي الحب التيدي بك |
صوتك الدافي.. أعشقه وآآآ حيا به |
دوزنت قافك.. طرب والله حسيبك |
ياخذ الروح... بنفسها في رحابه |
تاصل الغيم تمركا وتهذي بك |
ايه احبك تاج راسي والعصابه |
وافتخر.. بك يحرق العاذن.. لهيبك |
ما وصل.. صدر الشموخ الا ثيابه |
والغلا مني تشمه ريح طيبك |
وطاري لي ما يجيبك لا هلا به |
ولا هلا بالطاري اللي ما يجيبك |
غنج نجد - الرياض |
|
