استبشرت كل القلوب بقدومه |
غيث البلاد وعون الأجواد... سلطان |
ولسان حال الناس شعب وحكومة |
طهور يا سليل الأمجاد... سلطان |
طهور يا من نومستنا علومه |
نفرح ونستانس ليا عاد... سلطان |
كل الوطن فرحان واللي يلومه |
ما هوب منه وصبح الاعياد... سلطان |
قلوبنا على غلاه مختومه |
أمر عليه إعتاد وارتاد... سلطان |
صدق العهد فينا تجدد رسومه |
عهد الجموع وعهد الافراد... سلطان |
يدعون جعل أيامنا قبل يومه |
ويفدونه الابنا والاحفاد.. سلطان |
عز الكريم اللي تردت عزومه |
اللي منول يقري الزاد... سلطان |
ريف الضعيف اللي دهنه همومه |
وأبو اليتيم من أمة الضاد... سلطان |
سيف السطر دايم عداه مهزومه |
طير الثلاث يصيد ما انصاد... سلطان |
درع البلاد اللي تهابه خصومه |
عوق الخصيم وسم الاكباد... سلطان |
على عدو الدين يركي هجومه |
بأحدث عتاد ورسم واعداد... سلطان |
ولي عهد أكثر بلاد محشومه |
بين الأمم للعز يا بلد... سلطان |
ادعوا عساها ما تهاوى نجومه |
يرسي كما يرسن الاوتاد... سلطان |
شعري ليا منه قصر عن لزومه |
لاحد يقول فلان قصاد... سلطان |
فراج الكرشمي |
|
