|
طحت من عيني ولا سمي عليك |
رح لمن غرك وخله ينفعك |
كنت أحبك كنت في عمري شريك |
ضعت من عمري وش اللي ضيعك |
يوم أنا من جد أحبك وأرتجيك |
من هو اللي صار عني يمنعك |
كبرو رأسك وقالوا أنت فيك |
الصفات اللي تغر وتخدعك |
شفني أول كنت خاتم في يديك |
يا مضيع خاتمك ما ني معك |
لا تدورني أنا ما عاد أبيك |
مقتنع بالبعد وقتك يقنعك |
مقتنع بالغير يمكن أنه يبيك |
مقتنع بالغير خله يرفعك |
انتهى الموضوع سلم لي عليك |
ناصحك بالبعد خله ينفعك |
خالد المبيريك |
|
|
|
|
|
