الحمد لله يا فهد طاب سلطان |
ولي عهد المملكة قاضي الدين |
الشعب كله قالها بقلب ولسان |
الحمد لله ملي كل الموازين |
ساعة سمعنا بالخبر نص الاعلان |
وانّا بخير وكل شيٍ بدى زين |
راع الكرم والجوع عونٍ لمن كان |
حمله ثقيل ومتعب وخالي يدين |
سلطان بحر من العطاء بصورة انسان |
تعجز عن أوصافه جميع العناوين |
من غاب بوخالد معه غاب سلمان |
يالله عسانا نفرح بشوف الاثنين |
اخوان عبدالله ونعمٍ بالاخوان |
اللي على راحة وطنهم حريصين |
لان الوطن بقلوبهم حب وايمان |
يجري غلاه بدمهم والشرايين |
والنايب الثاني لهم عون وامان |
ذخر الوطن درع الوطن قاسيٍ لين |
توارثوا حبه على مر الازمان |
من يوم وحدها معزي على الدين |
بالحكم فيها طبقوا خير الاديان |
شريعةٍ غراء عليها متواصين |
وساروا بها فالنور عن كل شيطان |
حتى تعلت في جميع الميادين |
وابن الوطن شالوه من فوق الامتان |
حتى تمكن فوق بالعلم تمكين |
بالعلم صال وجال في كل ميدان |
لانه عرف كل النظم والقوانين |
من فضل ربّ فارضٍ خمس الاركان |
ثم فضلهم عشنا بوطنا عزيزين |
هذا وطنا غير عن كل الاوطان |
وحكامه آل سعود بالعدل وافين |
هاجد صنيدح السبيعي |
|
