يالله ياسلطان وشلون سلطان |
سلطان بن عبدالعزيز اخو نوره |
كلٍ على شوفه عقب غاب ولهان |
والناس في حب الامير معذوره |
شعب الوطن كله من مرضه مرضان |
اقولها لأني شعوري شعوره |
لو أن لقلوب المخاليق جنحان |
ولاهي ورا عوج الضلوع محشوره |
طارت مطير اللي من الربط زعلان |
وقفاء مع اللجه يلاعب سيوره |
لين انها تقبل خشم طير حوران |
ماهي على وحشة غيابه صبوره |
بالله بشرنا عنه ياكحيلان |
يوم انك الوافي معه في اوموره |
وغلاه عندك ما يقدر بالاثمان |
مع دمك يدور الغلا كل دوره |
يالحارثي مشعل تراك اسعد إنسان |
لا واهنيك يوم تقدر تزوره |
عساه يرجع من صحيحين الابدان |
اخو المليك اللي طوال شبوره |
ماجور يامير التواضع والإحسان |
يالمبتسم حتى بوقت الخطوره |
لافي حمود الغيداني |
|
