يقول من خفا على الناس سده |
أمر مقدر والمقادير من فوق |
يوم الولايف والجماعة امصده |
من دون حق وكل مطرود ملحوق |
مديت يدي للولي واستمده |
مده عظيم ولانوى المد ما يعوق |
أبي العوض عقب الجفا والمشده |
والنوم في وقته قليل ومطفوق |
وأبي العوض عقب الشقا والمكده |
والراس شيب وأبيض الشيب مفروق |
وأبي العوض عن كامل العقل قده |
بس اتمسك واتصبر لما أفوق |
يا ليتني ما صرت أجامل واحده |
أجاهد التفكير والصدر محروق |
مير العوض بالي سريع بمده |
يعوضني بالخير عن كل مخلوق |
حمود الخالدي - القصيم – بريدة |
|
