طبعي كذا من يوم ربي خلقني |
لا عضني ناب الزمان احتملته |
حتى ولو ظرف الزمان يخنقني |
على كتوفي كل ما امحل نقلته |
وان جار بي وقتي وهمي عشقني |
لابان جرحه بالخفوق اعتزلته |
وان كان شفت اللي برمحه زرقني |
ما اقول هذا ذنبك اللي فعلته |
اصد من باب الشيم وان لحقني |
يبطي وأنا عن حالته ما سألته |
ولاشفت حرفي بالمعاني نطقني |
ما كل شي في حشى الصدر قلته |
وان لاح برقٍ في سماه وشعقني |
باب المخايل عن عيوني قفلته |
الله كريم وبالقناعه رزقني |
ما كل برقٍ في سماء نجد خلته |
هذا هو اللي عن بعضهم فرقني |
لو جاز ماطي الوطى ما نزلته |
وحلمي لو انه بالوصل ما سبقني |
لو هو على حد الثريا وصلته |
محسن بن نوار المقاطي |
|
