جيتك يا بو فيصل بسوق التباشير |
جيتك وانا اصغر شاعرٍ من جهينه |
الحمد لله يا محمد حصل خير |
مأجور يا راعي العلوم الثمينه |
يخسى ويخسى من نوى فيك يامير |
نقص راسه قبل نقطع يدينه |
يخسون والله مالهم اي تأثير |
بعون ربي حبلهم قاطعينه |
ارهاب قتل وفكرهم فكر تكفير |
واجرامهم باسلامهم مدعينه |
منهاجهم مبني على كل تدمير |
حتى العقل من جهلهم غاسلينه |
رجال حنّا لالفى العلم ويصير |
لجل الوطن من كل ضلع ومدينه |
جينا نسوق الروح من غير تفكير |
والكل شايل خافقه في يمينه |
وحب الوطن ماله مع الناس تبرير |
ارواحنا واولادنا.. له رهينه |
ومن شان ابو متعب نصف الطوابير |
والروح ترخص بس من شان عينه |
العادل اللي مالفى منه تقصير |
والعز ياخذ سيرته من جبينه |
له في قلوب الناس حشمه وتقدير |
سمعا وطاعه.. سيدي معاهدينه |
والحمد لله يا بو فيصل حصل خير |
مأجور يا راعي العلوم الثمينه |
عبد الله حسان الجهني |
|
