يا نجد حبك هو شرابي وزادي |
شيٍ بقلبي كونه خالق الكون |
لا عدت البلدان هذي بلادي |
أقولها من كل قلبي وممنون |
متمكنٍ حب الوطن من فؤادي |
وحب الوطن سنه على ما يقولون |
ومن طبق السنه له الله هادي |
ومن خالف السنه منافق وممهون |
يا منكرٍ دارك عليك السوادي |
يوم الكرام لحق الاوطان يوفون |
هذي وطن صفوة جميع العبادي |
وبعده وطن قومٍ على النهج يمشون |
دار السعود منزحين الاعادي |
اللي لها عرضٍ منزه ومصيون |
تلبس بهيبتهم ثيابٍ جدادي |
غصب على العدوان واللي يحسدون |
دارٍ مضى فيها خيار المبادي |
ودستورها القرآن عن كل قانون |
دارٍ لصوت الحق فيها منادي |
ومنها وفيها قبلة اللي يصلون |
وعندي هواها ريح مسك وزبادي |
وجبالها عندي بساتين وعيون |
رشيد الزلامي |
|
