دامت حياتك يا محمد على خير |
انتم ذرانا يالوجيه السفيره |
سلامتك يابن الملوك المشاهير |
سلامتك دامت اعيونك بصيره |
سلامتك يابن الملوك المناعير |
انتم ذرانا يا ملوك الجزيره |
سلمت حياتك من نوايا المخاسير |
واللي يغدر الناس هذا مصيره |
تبت يداكم يا وجيه الخنازير |
وتبت يدين أهل القلوب الضريره |
طبيعة الإرهاب ظلم وتكفير |
وفعالهم صارت عليهم كسيره |
حياتهم صارت عذاب وتحسير |
تبت يداكم يالوجيه الغبيره |
وقولها للناس صدق وتعبير |
ومن لا يعاديهم فلا فيه غِيره |
دامت حياتك في كرامه وتبشير |
عقبال خير مثل وبل المطيره |
حنا مع آل سعود فعلٍ وتبصير |
وحنا مع آل سعود في كل ديره |
حكم السعوديه سعاده وتعمير |
تحكم بشرع الله ولا تستعيره |
سلطان بن حسين بن محمد التمامي - الرياض |
|
