لا ما يهمك سيدي مجرم وضال |
ولا هزتك يا ولد نايف حثاله |
اللي يقتلون البراءة بالاطفال |
المجرمين أهل الغدر والضلاله |
شامخ وترفع هامتك مثل الاجبال |
ما هزهزت كل العواصف جباله |
عسى الولي يحميك من كل الاهوال |
ويحفظك ربي للوط والعداله |
سلامتك لاجل الوطن روس الأموال |
وعند المواطن شوفتك راس ماله |
يابن الزعيم الفيصلي وافِ الاخصال |
نايف عظيم ووافياتٍ خصاله |
من راس زيزومٍ ومن راس رجال |
عبدالعزيز اللي يظلل ظلاله |
خلف حرارٍ تودع الدم شلال |
اللي يعاديهم تقصّر حباله |
اخوان نورا ستر من يلبس عقال |
حكام حق وكاسبين الجماله |
نالوا فخرهم بالمراجل والافعال |
وحموا حدوده من جنوب وشماله |
وسلامتك عند العرب تشرح البال |
نجم الوط تبقى وتبقى هلاله |
محمد ولد نايف تسلسل من ابطال |
فيه الشجاعة والكرم والبساله |
حر وبيته للرجاجيل مدهال |
عون الضعيف وعز من هو لجا له |
تحير في وصفه مفاهيم وامثال |
وارث فعوله من عمام وخواله |
فياض عبدالله ناصر الشمري |
|
