قم يا نديم اكتب وأنا أنظم لك القيل

وأخير نظم القيل في طير حوران

يجوز فيه المدح هيل بلا كيل

وكم شاعر عن مدح سلطان عجزان

والله لو نمدح من الصبح لليل

إنا فلا نوفي خصائل كحيلان

نبي نقدم كم مديحه عرابيل

ونطلب عن الباقي تجاوز وسمحان

الرفقة اللي ما لها ساس ووصول

أتلى تلاياها تزول بسهولة

مثل الذّرور اللي على راس غرمول

أول مهبٍ يعترض له يزوله

واللي مرافقهم على غير مفعول

تشوف واحدهم رفيقٍ بقوله

والفعل ما يطلع على مستوى القول

يقول قولٍ ما يطبّق فعوله

والفرق في الأفعال مهوب في الزول

ولا ترى أكبر ما من الثور زوله

أرجيك ترحمني لياقيل من راق

لا صرت ما عاد استطيع أبلع الريق

لا جاء الوعد والتفت الساق بالساق

وأتلى الكلام الغرغره والتشاهيق

يا الله عسانا يوم نشفات الأرياق

من خلقك اللي من جهنم معاتيق

أبي أنصح إخواني سلايل هل الفخر

في طاعة الرب الكريم شمام

ثم بعدها ياللي تبون الطوله

ترفعوا عن صف كل خمام

وطرات فعل الرجل بأول عمره

قدام تبد العفر فالجهام

من اخطأ من الناموس في زمّت الصبا

طوي الكتاب وجفت الأقلام

ووصايف الخدين والوجنتيني

نوعين ثلج ونار من غير شبّاب

وعلى مدى ما هنب متجاوريني

لا نارهن تطفي ولا ثلجهن ذاب

وعينين حوروين مدعوجتيني

سلهامهن واغضايهن يسب الألباب

يخشى لياسلهم بهن بالهويني

نار الوجن تحرق مظاليل الأهداب

سعود العواصاني

صفحة الجزيرة الرئيسية

الصفحة الرئيسية

رأي الجزيرة