فاقدٍ لي شخص ما قدم تهاني |
فاقدٍ شوفه وصوته واتصاله |
وعادته في عيد والا برمضاني |
أضعف الأيمان يبعث لي رساله |
شخص عندي غير في كل المعاني |
من عرفته قلت ما أحصل بداله |
شالني عن حب غيره واحتواني |
لو يغيب أعيش حتى مع خياله |
يا وجودي كل ما دار الزماني |
وحل وقتٍ ما يحل بلا مجاله |
وجد شيخٍ شاف من ربعه هواني |
وابتدى يفقد صوابه بنفعاله |
ما بقاله راي مع قاصي وداني |
كل من حوله رحل حتى عياله |
ويا وجودي وجد يا ذاك المكاني |
في جنوبه ليت يسمح لي شماله |
دحيم النومسي |
|
