يا مسا الخير يا هاك المسا والعيون |
يوم زفتني الايام لرموشها |
غادةٍ جت تغنّى بالهوى والجنون |
أقبلت فال والحظ أول اطروشها |
والفياض أم عطر وناعمات الغصون |
ترتع بظلها واجفل من وحوشها |
جيت ظامي نظر وازريت لا ارواك لون |
طلةٍ لا ابتعد عنها ولا انوشها |
ارضي احساسها وان عاتبتني تمون |
استلذ العتب واموت في هوشها |
يا وليف الحمامة بالبكا واللحون |
دمعتك حاصرتني راية اجيوشها |
دمعةٍ جارحة من فوق خدٍ حنون |
وش بقى بالقلوب البيض واعروشها |
لو توارت ورا الدمعة وجرح الظنون |
حسنها الفطري اغنى قلب مدهوشها |
تاخذ الحسن من خد القمر والمزون |
ما خذت بهرجة (حوا) ولا ارتوشها |
الشَّعر يوم طاح وفرقته المتون |
انطحته الكفوف وعانق انقوشها |
يا كفوفٍ ليا سلّم واشارت بهون |
كنها للفقارى تنثر اقروشها |
خالد البقمي |
|
