الشعر جاله مزاج وكان ماله مزاج |
ما كنت أدور عليه وصرت أدوّر عليه |
والبارحه صرت أنا والشعر نبغى الخراج |
يا صعب شيٍ بحور الشعر ما تحتويه |
مثل سلامة ولي العهد طلق الحجاج |
تصعب عنى الشاعر المتنبي اللي (نبيه) |
لانه أثقل على بحور الشعر من سواج |
حاتم زمان وفصيح لسان واللي يليه.. |
.. بر رؤوف، وعطوف، ويجمع الازدواج |
للي يبا خير، خير وشرللي يبيه |
ما يعطي اللي طلب حاجه على الاحتياج |
إلا سخيٍ عطاه وشاهده من يجيه |
كن مرضه، ليل غطانا. ونور السراج |
.. خبر سلامة ولي العهد على الوجيه |
وطير السعد من سموه في سما العز راج |
وباب الهنا والمنى يفتح على مصرعيه |
عين أمير الرياض وصار فيه احتجاج |
كل المناطق تبيه، وكلها تهتويه |
وأصبح وزير الزراعة وأصبح الابتهاج |
شعار الأرض ونتاج الأرض من يشتريه |
كأن الأرض أتعلم منه معنى النتاج |
اللي بذرها براحه امتلت راحتيه |
وقفتك يا مير نجد اللي لنجد السياج |
وقفة وفا والوفا ميراث من والديه |
هذا تراه العلاج اللي ما بعده علاج |
ما دام ابو خالد ايشوفك قدم ناظريه |
وقفة وفا تاخذ الأمثال منها انتهاج |
وقفة أخو ما وقفها (الزير سالم) لاخيه |
وقف فهد مثلها (ما ارضى لجابر احراج) |
كلمة وفّى بها يوم العراق ايغزيه |
أنتم هل العوجا الي ايعدلون العواج |
مكرمين الكريم.. معقلين السفيه |
عقاب العماني |
|
