وألا يا هجوسي زان بدع القوافي زان
|
وإلى زان بدع القاف ماحب تاخيره
|
على الله توكلنا على الله عظيم الشان
|
على الله وكلاً حسب فكره وتفكيره
|
أحد يبني ابيوتٍ كما اللولو والمرجان
|
أبيوتٍ جزال تدهش الفكر وتثيره
|
واحد يبني ابيوتٍ تهاوى بلا سيسان
|
لاهب الهوى تقفي مع اول معاصيره
|
وانا اتعب على القيفان واصخّر القيفان
|
واحسّب حساب القاف حبكه وتصويره
|
ومدام الله بفضله شفى سيدي سلطان
|
فلالي عذر والشعر زانت تعابيره
|
يزين القصيد ويسمو الشعر بكحيلان
|
يزين القصيد ويسمو بطيب السيرة
|
أبو خالد اللي حبه بقلب كل انسان
|
سكن ويتنامى زود ويزود تقديره
|
ولي عهد ابو متعب ليا شانت الازمان
|
اخوه وعضيده للبلد ذخر وذخيرة
|
يضد الضديد ويردع الظلم والعدوان
|
يضد الضديد ولا طغى يلعن مشيره
|
بجشٍ على امره لاحتمت ساحة الميدان
|
يسير وتحت راية تحرك طوابيره
|
ويعين ويمد وللكرم منبع وعنوان
|
يعين ويمد ولايحسب مخاسيره
|
ومدات جوده واضحة ماتبي برهان
|
على كل الامة شاملٍ فضله وخيره
|
ولا احصي مكارم طيب الساس والجدان
|
مكارم سموه ما توصّف على غيره
|
مكارم سموه كنها الغيث للاوطان
|
يعل الدير والقاع تنبت نواويره
|
نحبه محبة ما تقدر حشى باثمان
|
يحبه كبير الشعب ويحبه اصغيره
|
وفرحة شفاه اشوفها شوف بالاعيان
|
اشوف الفرح فالناس بانت تباشيره
|
لنا رده الله سالم وغانم ومعان
|
لدارٍ على شوفه تباشر مناعيره
|
تباشر فرح وتجر بالصوت والالحان
|
بشوفة اميرٍ شوفه ينور الديرة
|
وختام الكلام وزبدة الهرج يا الاخوان
|
وما قل دل وزبدة الهرج تقصيره
|
عسى الله يحفظه حفظ برعاية الرحمن
|
ويحميه من سو المقادير ويجيره
|
عبدالهادي حمد العفيش القحطاني |
|
