البارحة فكري سرى عند طاريك |
وقمت أرسمك داخل غياهب خيالي |
يوم الغلا وقف على باب مغليك |
أرسلتك جيش الغلا وأنت غالي |
ياثاني أضلاع الوطن من يساويك |
من هو شبيهك ياكريم السبالي |
سلطان فعلك للمعالي معليك |
هذي حقيقة ما عليها جدالي |
من رأس أبو تركي ولا أحد(ن) يضاهيك |
حر(ن) شهر من ماكره للمعالي |
الطيب طبعك والفخر يفتخر فيك |
يقول سلطان الفخر رأس مالي |
مبادي أهل المملكة من مباديك |
رفعت رايتهم على كل عالي |
عمتهم الفرحة وكل(ن) يحييك |
مشاعر الإخلاص جاتك جزالي |
الله يديمك يابو خالد ويحميك |
ويديم عزك يازبون الثقالي |
وأنا من الشعب السعودي وأهنيك |
سلامتك يامير غاية منالي |
عبيد البديري |
|
