ما يرتفع طاير وما ذعذع نسيم |
وما هل وداق يغيث الأرض ماه |
وما يرفع المسلم يدينه مستقيم |
مستقبل يطلب عفو من لا سواه |
يا مرحبا يابو الضعافا واليتيم |
يا فرحة الشعب السعودي يا غناه |
ترحيبة من قلب والله العظيم |
باللي تباطينا غيابه من غلاه |
ونردد الترحيب بالاب الحليم |
من المدن ومن القرى ومن الفلاه |
الأم والبنت الصغيرة والفطيم |
والشايب اللي ثالث اقدامه عصاه |
استبشروا في عودة الحر العديم |
درع البلاد اللي تكفل في حماه |
وخلا يهابه كل شيطان رجيم |
ما يقرب أبحوره وأراضيه وسماه |
بالبحر سفن وبالفضا رصد مديم |
وبالبر دبابات ودروع ومشاه |
اللي لنا جنة ولعدانا جحيم |
طور دفاع المملكة جد وبناه |
سلطان هداج الروى مروي المحيم |
هداج تيما يروي الظميان ماه |
سلطان مثل الغيث به يحيا الهشيم |
لا أرخى هماليله وهو ساكن هواه |
من نو مزن للرعد فيه الرزيم |
والبرق نوره يسري الساري علاه |
تعطي يمينه بالصباح وبالعتيم |
من دون ما تدري شماله عن عطاه |
يمنى براحتها زمهرير ونعيم |
وكلن على فعله تقدم له جزاه |
يمنى العدالة لا تضام ولا تضيم |
بامر النبي تامر وتنفي ما نفاه |
يمنى سعودي بدينه مستقيم |
والله على الإسلام والطاعة هداه |
وختامها باسم المواطن والمقيم |
حييت يا عز السعودي يا ذراه |
وصلاة ربي عد ماهب النسيم |
على النبي ومن تقيد في هداه |
نداء محمد شديّد الديري |
بلدة قطن - مركز قطن |
|
