جت مشاعرنا يا بوخالد من الفرحة وفود |
فرحةٍ بقدومك الميمون يالحر الفطين |
وأرض دار الخير بقدومك تجمّل بالورود |
وأزهرت خدانها لك.. والفرح فيها يبين |
زال باسك يا عظيم الشان يا حامي الحدود |
سيدي من طيبك انحن كلبونا طيبيبن |
ما يلوم النفس لو خافت عليك إلا الجحود |
جعل ربي يسعد أيامك على مر السنين |
الزمن صعبٍ عليه بمثل أبو خالد يجود |
الكريم ابن الكريم أخو الكرام الوافيين |
عل يومٍ فيه حسيت الوجع لك ما يعود |
السعد لامن سكنته كلنا به ساكنين |
كل شعبك يطلب الله فالركوع وفالسجود |
يلبسك ثوب العوافي كل يوم وكل حين |
أنت يا ريف اليتامى وأنت يا موفي العهود |
ديمةٍ تروي ضمانا في زمان العابثين |
وأنت للشعب السعودي غيمةٍ تروي الكبود |
غيمةٍ هملولها يعم كل المسلمين |
وأنت لأهل الشر برقٍ يقتفي لمعه رعود |
تحرق أغصان الردى والشر لو عرقه دفين |
ما تسوق أقدام رجلك غير للعليا صعود |
بالسياسة والشجاعة مالك بوقتك قرين |
يا لله ويا لله يالمعبود يا خير معبود |
رافعٍ كف الضراعة لك ولا غيرك معين |
تكسي سلطان المكارم بالعوافي يالودود |
وترجهن نفوس ناسٍ كلهم لك ساجدين |
سيدي سلطان بن عبد العزيز آل سعود |
والله أن طيبك لنا طيب وغنيمة غانمين |
عبد العزيز بن صالح الدحوم (راعي الروضة) |
روضة سدير |
|
