كتبت الشعر بغيابك وليتك حاضرٍ تقراه
|
كتبته فيك يوم إنك رحلت وطالت الغيبة
|
كتبت أروع بيوت الشعر ترثي قلبي وتنعاه
|
وتعزف له لحون الحب عل وليت تشفي به
|
بكى قلبي من اوجاعه شكى ضيم الدهر وياه
|
شكى غدر الحبيب اللي نساه وزاد تعذيبه
|
سألني كيف اعيش وماتجي في خاطري ذكراه
|
ولا تطري لي اطيوفه واقوم الليل اهذري به
|
سألني كيف ما اشوفه وانا في كل مكان اللقاه
|
والى مني تذكرت الاماكن قمت أهلي به
|
سألني شلون ما أدري يغيب النبض في فرقاه
|
وهو داخل وريد القلب يقبل به ويقفي به
|
سألني شلون في لحظة أنسى الكل وما أنساه
|
صرخت وقلت يا قلبي كفاك تعيش تعذيبه
|
مثل ما هو نساك انساه وإنس ايامه وذكراه
|
وعش دنياك يا قلبي تبسم والحزن سيبه
|
وحاول قد ما تقدر تناسى أسمه وطرياه
|
وتأكد يب يجي له يوم يطيح بشر الاعيبه
|
الاسطورة |
|
