حرٍ شلع من قمة الرأس للرأس |
كنّه مخيرّ في نوادر مجانيه |
ابوه أمير المجد وبعيد الأرماس |
سور الرياض وعزّها من حراويه |
بحرٍ وفاه أعماق ما هيب تنقاس |
سلمان لا يوصف ولا أحدٍ بيحصيه |
والخال ابن حثلين تشهد له الناس |
شيخٍ يترجم حاضره طيب ماضيه |
هذا محمد مصدر الفخر والساس |
كن المراجل سبحةٍ بين كفيه |
من مدرسة قدوة للأجيال نبراس |
ولد حصن ذاك اخو نوره عزاويه |
حطّه على يمناه سلمان مقباس |
وزاده معالي ناجبه من معاليه |
حرٍ مطاليعه مطاليع قرناس |
من هدته طلع السعد من مراقيه |
نال العلوم وصار للجيل نوماس |
وجمع فلول المعرفة في مناصيه |
سلمت يا محمد من العوق والباس |
ومدّ الله بعمرك ومتّع لياليه |
عبدالعزيز المتعب |
|
