الدمع لحظة تْمَسك في جفن عيني

مثل اللي ينطر فرج من شدّة الكربه

أكرّهه كْره العما ولا يدانيني

لكن طبيعي نصير أحباب بالغربه

اللي أحبّه وأعرفه ما يواليني

واللي يوالي: محبة ما أبي قربه

يشّعر بإحساس دافي بينه: وبيني

بيني وبينه: أنا الاحساس ما أشّعربه

عمري مافكرّت في إنسان ناسيني

والمشكله لاطرالى قْمت أفكربه

أنا حبيبك وأْخْبر اللي يخاويني

حبيب عمرك وخبرك ضاع في دربه

خلك معي في طريقي لا تخليني

اليا تيامن حبيبك: لا تياسر به!!

منّ ضربهٍ ما تعلمنّي توعيني

وانا بطبعي ولا اتعلم من الضربه

صوتك أمّله وفي حالة يلاقيني

لحظة الاقي أمل والحال مّضطربه

شاعر وخنتك وأخون!! بكل مافيني

ماهي جريمه وانا موخاين التربه

والشّرخ من حربتك داخل شرايني

ماهمني الشرخ أنا بلشان بالحربه!!

الشق أ كبر من الرقعه وأيديني

ماتستطيع - أح - تواء - الشق والقربه

مجنون أنا فيك - ربي فيك باليني

لاصار مجنون فيك إنسان - عَزٍربه *

كانك تبي راس قلبي لا تآذيني

أطلْبه منّي قسم بالله تبشر به

أجرحني لكن طلبتك لا توريني

الجرح قدام خلق الله تفاخر به

مابي فضايح ومابي تنكسر عيني

ماهو فخر جرح شاعر لا تشّهر به!

صفحة الجزيرة الرئيسية

الصفحة الرئيسية

رأي الجزيرة