حنا على الرب الكريم اعتمدنا |
نركز رجانا والأمل فيه يزداد |
اللي خلقنا من عدم وإن وجدنا |
وحنا لخالقنا عبيدٍ وعبّاد |
حنا جنود الجيش قوة بلدنا |
على الجهات الأربعة جند وعتاد |
تبشري يا دارنا في سعدنا |
لولعت للمعركة نار وزناد |
اليا شكيتِ من عدو ما رقدنا |
نصبحه بالصبح والليل مهجاد |
واليا عتزينا للمنية وردنا |
بارواحنا نارد على الموت ميراد |
حنا هل التوحيد نوفي وعدنا |
حماية التالي طحاطيح الاولاد |
نموت والله ما تغير عهدنا |
عهدٍ لبومتعب على روس الاشهاد |
عليه نوصي جيلنا اللي بعدنا |
مثل ما وصونا على العهد الاجداد |
وسلطان ابوخالد ذرانا سندنا |
اليا كشر وجه الزمن وانتها الماد |
على سما العليا بضفة صعدنا |
للشعب غيث وللعدا سم الاكباد |
يحسب حسابه عند الاقصى والادنا |
له صفقةٍ من وقعت فيه ما عاد |
وختامها ما همنا من حسدنا |
حنا هنا ضد الارهابي والإلحاد |
سالم ضعيان الحربي |
|
