يا مرحبا في سيد الجود سلطان |
من كل قلبي قلت يا مرحبابه |
اعداد خلق الله من الانس والجان |
وعداد ما هل المطر من سحابه |
الخير بقدومه له ايام هتان |
والشعب كله قال اهلا هلابه |
واخضرت الديره بورد وريحان |
من بعد ما كانت جفاف وكابه |
والجيش بقدومه على الحد فرحان |
يضرب على الحوثي بعزم وصلابه |
الخير كله والسعد والفرح بان |
شفته بوجه ام الكرم والحبابه |
ام خالد اللي حزنها غير الاحزان |
من راح ابو خالد وطول غيابه |
والولو اللي دمعها سيل وديان |
من قلبها اللي كل هم سطابه |
هو سترهم ملاذهم ذرب الايمان |
هو نورهم بالطيب هو يقتدا به |
كم ليلة في غيبته بات سهران |
شعب ورا الاخبار بان الولا به |
نوف بنت محمد بن داغر |
|
