ليه أنا لا قلت/ ينزرع بالقلب ورد
والهجير يصير برد/ وأشعر بقيمة حياتي
وان هذا الحب ذاتي/ وان هذا الكون فرد
ليه أنا لاقلت أحبك/ الظلام يصير نور
والغياب اللي ذبحنا يموت في يد الحضور
وتولد بفمي قصيدة ريحها عطر وزهور
والطيور تطير بدري وتصبح الدنيا تدور
ليه أنا لا قلت أحبك
ينتهي فصل الخريف
وتنتهي قصة ورق أصفر
تساقط من على ذاك الرصيف
ويبتدى فصل التلاقي
مثل ما أحلم في لقاك وتحلم أنت في عناقي
يا حناني، يا اشتياقي، يا احتراقي
ليه أنا لا قلت أحبك ينكسر بالقلب عود
والحمام اللي رحل سربه من أول يوم
في صيف سبتمبر يعود
والجمود اللي سكني والبرود اللي طعني
يوم أحبك ينتهي ذاك البرود
وينصهر كل الجمود
وتنلغي في عالمي كل الحواجز والحدود!!
ليله أنا لا قلت أحبك يصبح العالم خيال
وان حلم المستحيل وقسوة احساس المحال
كلها بكلمة أحبك
الأمل يصرخ تعال
ليه أنا لا قلت أحبك أشعر بمعنى الجمال
ممكن أعرف يا حياتي
وش إجابة هالسؤال؟
علي الزهراني
