بديت بسم اللي رفع سبع الأطباق |
مقسّم الأرزاق من غير منّي |
من بعد ذكره قلت من خاطرٍ ضاق |
بابيات شعرٍ جعلهن ينفعنّي |
ماهو لاجل دنيا ومشي بالاسواق |
ولبس الذهب والماس ما قد فتنّي |
يالله حسن الخاتمة وزين الاوقاف |
يومٍ اعمالي بالورق يكتبنّي |
ليا جا الوعد والتفت الساق بالساق |
على الصراط اقدامنا يثبتنّي |
يوم العرق يبلغ بنا حّد الأعناق |
يوم الجوارح يا عرب يشهدني |
ليا انورت وجيه الابرار بإشراق |
صحايفٍ بأيمانهم ينشرنّي |
واحدٍ شرابه من حميمٍ وغسّاق |
من يمه أبواب الفرج سكرنّي |
وأرفع يديني وأطلبه وقت الأشفاق |
عسى وليي يرفع الهّم عنّي |
هذا زمانٍ محرقٍ قلبي إحراق |
من أهل النمايم والحسد والتجنّي |
قطع المواصل مرهق فكري ارهاق |
واشيل همٍ بالحشى مستكنّي |
أم محمد الدودليه – الرياض |
|
