من هاجس الفكره إلى جزل معناي |
أهيم وأبدع والشرايد فريده |
أكتب لهمس الحب مع عزفت الناي |
صمت الغرام وبوحها بالقصيده |
صدر الغلا لا أشتاق تزداد بلواي |
وأقول يا روحي من المستفيده |
جمر الخيال اللي سرق بسمة شفاي |
حلمٍ رسمته والمناوي بعيده |
ليل الشتاء برده حرمني من دفاي |
لا جيت اقرب كل جرحٍ يزيده |
وجدي وحرماني سفينه بمرساي |
يومٍ روحي من عناها وحيده |
بعض العواطف صرخةٍ ترسم بكاي |
وأكثر خوافي هالبشر لي نشيده |
وش فادني كثر الأماني ورجواي |
غير الجروح القاسيات العنيده |
عبدالله بن سعود العجمي |
|
