يا قلب لا تشتكي للوقت وعناده |
ملزوم نصبر لو ان الوقت عاندنا |
وليا خذلك الخوي بإخلاف ميعاده |
لا تقول يا حيف ليه فلان واعدنا |
لو حدّك الجال والأيام جلاّدة |
الصبر والصفح يبقى من عوايدنا |
غلطات الأصحاب فعلاً تجرح زيادة |
وحنا على كثرة أخطاهم تعوّدنا |
مليت من قولة (ازهل) حطها عادة |
وعند الشدايد يغيب ولا يساندنا |
يا قلب لا تنخدع (بحصان طروادة)؟! |
من صد عنا ترى فرقاه تسعدنا |
دام السما لك غطا والأرض سجادة |
واصل طريق الوفا لا تقول عوّدنا |
رشيد الفريدي |
|
