رثاء في المرحوم الدكتور عامر بن عبدالله الصعيري رحمه الله. |
القلب يبكيك والعبرات منثوره |
والموت لو غيّبك ما غبت عن بالي |
لو غبت عنّا بقالك بالحشا صوره |
غالي ولو غبت يا دكتورنا غالي |
لي عبرةٍ في حنايا الصدر محشوره |
من كم ليله وهي بالصدر تجتالي |
بفراق عامر بيوت الحزن معموره |
عقبه وأنا ما تبي حالي ولا فالي |
له في دروب الرجاله راس مقصوره |
له بالوفا والصداقه مركزٍ عالي |
والموت رحله وكلٍ ينتظر دوره |
أجيال تفنى وتفنى عقبها أجيالي |
يالله ياللي تبجّ الصبح في نوره |
يا خالق الخلق يا معبود يا والي |
عسى خطاياه والزلات مغفوره |
تحط له في جنان الخلد منزالي |
فواز رحيل الخمشي |
|
