لعلي فدوة الوجه البشوش البارق البسّام

لعلي فدوته دون الضرر في كل حالاته

هلا يا ابوي ابو خالد هلا بك والقلوب هيام

بحبك يا الكريم اللي نهلنا الطيب من ذاته

لك الله يوم بشرني عضيدك ذلك الضرغام

وفي الطبع مسناد الكسير بيوم شداته

اخوك اخوك سلمان الرحوم اللي لظهرك حزام

بمرجاعك نسيت الهم وطرفي الليل ما باته

هلا باللي لنا عن شوفته في نجد فوق العام

هلا باللي ليا منه عطى ما عد مداته

هلا ما اشتاق كل الشعب لك يا نصرة المنضام

وكثر ما قد سعى نحوك يتيم لمسح دمعاته

وكثر ما سطرت لك مكرماتك في خفاك أقلام

وعدد ما غرد القمري بروحاته ورجعاته

هلا ما قد سألنا الواحد اللي يشفي الأسقام

يردك للوطن سالم ويشملنا برحماته

هلا ما الطاير المغوار حلق في سماه وحام

ودمر عسكر الحوثي وزلزلهم بضرباته

هلا ما ذب لحماية وطنا جيشنا المقدام

بساحات الشرف والنصر مرفوعات راياته

هلا ما بكّر الوسمي وبنيت في خريم خيام

لابو متعب مع إخوانه هل التوحيد وحماته

هلا كثر الغلا اللي بالملا صادق بشرق وشام

لسلمان الرياض اللي الهقاوي دون هقواته

ابو فهد العزوم اللي يزوم الصامل الجزّام

معزي نَجْد كل المَجْد تحته سَجْد هاماته

طبيب وذيب كل الطيب يرزوم من يديه إرزام

وأكيد بيتعبون رجال ما جو ربع وقفاته

فألا يالله لك الحمد الجزيل الكامل المدوام

ولك المن العظيم أنت الذي نرجي كراماته

على الفضل العميم بشوفة السلطان دون آلام

ولك نسجد شكر فاغفر لمن وحدك زلاته

والا يا مملكتنا عاش ابو متعب وحظك قام

تغنى شاركي شعبك تحت بيرقك فرحاته

وعلينا عهد من يبغيك شر إنا عليه السّام

وعلى داره ليا منه غدر نقصر مسيراته

ونبيع أرواحنا لله ويسلم مهبط الإسلام

ولا نخضع لغير اللي رجينا كسب جناته

صفحة الجزيرة الرئيسية

الصفحة الرئيسية

رأي الجزيرة