تعرفون كلكم أن ظاهرة المخدرات بين البنات ما هي كثيرة في بلدنا ولله الحمد.. وما فيه شك أحيانا تصير حالات فردية للبعض منهن.. وقبل فترة اتصلت علي إحدى المواطنات.. وقالت إذا عندنا مدمن وش تقدرون تصلحون وش تسوون هل تسجنونه؟ أو تعالجونه وأبي منك الصدق والصراحة والوضوح..

قلت: وش عندك؟..

أنا عندي اخوي عمره ثلاثين سنة وهو مدمن ومزعجنا من زمان وأنا متزوجة وفي بيتي لكن المصيبة انه طيح أختي معه وخلاها تدمن الحشيش وخايفه عليها وأمي كفيفة ما تشوف لاقيه المشاكل أولا من اخوي والآن من أختي أبيك تعالجونهم بأي شكل الله يعافيكم .

بصراحة أول حالة تمر علي ودائما نقول إن الصاحب ساحب ولكن هذه القصة غريبة أن الأخو يطيح أخته ؟!

وهاذي والله المصيبة.. نسأل الله أن يشفيهم وان يبعد الجميع من هذا المصايب وخلونا نحذر من بلاوي المخدرات.. ويا الله سترك.