انا لي ثلاث سنين ماقلت فيها بيت |
ولا جا مجالٍ في قصيدي ولا اطريته |
خمد في حشاي وعن قديم العهد سجّيت |
ويوم اني احتجته وخميته اخطيته |
وانا اهملته ولاجا مجاله وعنه ابطيت |
وطولت عنه وصد واخمر وزليته |
اثر للقصيد نفوس واثري عليه اخطيت |
هجرته وانا ما كان قصدي وخليته |
ولكن وفاي يردني رحت ولاجيت |
وحقه مثل ما ازعلته ان لزّم ارضيته |
درا الله عني ما كرهته ورب البيت |
ولا هان عندي لا مقامه ولا صيته |
ولا هوب انا اللي لو يطول المدى صديت |
رفيقي رفيقي لانسى جيتي جيته |
هذاني وردته واستحسيت ما عليت |
قراحه وذقته بس ابد ما تحاليته |
وصديت اذاود ما بنفسي ولا قريت |
وعودت ادور مافنى منه واحييته |
الا يالله اني زابنك من ذنوبي جيت |
دخيلك ومن غيرك يزبن ذرا بيته |
على هله الضيف الكريم اطلبك ذليت |
ودمع الندم مع هله الضيف هليته |
هوى النفس يلعب بي وطعته ولا خليت |
بنفسي هوى الا ما طردته وبديته |
ياكم مره دربي وانا شايفه ضليت |
وكم ذنبٍ ادري به واشوفه وسويته |
وكم غفلهٍ غافلت نفسي ولا مليت |
اعرف الندم واندم واعود على الهيته |
وانا اليوم ياربي زبنتك بما سويت |
يا غفار ذنب الخايف اغفر ليا اوحيته |
انا زابنك ياربي اغفر لي اختفيت |
مغير بعضي ياكل بعض حيه وميته |
اخاف الذنوب وعفوك اكبر ليا منيت |
لعلي من اللي يحسن الله تاليته |
فهد بن محمد السياري |
|
