قالوا علامك يا لنصافي تخايل |
كنّك تخيل البرق وين اشتعاله |
قلت ابا اخايل نشر ضافي الجدايل |
شد الشديد ووين تمشي رحاله |
صقر النصافي |
اصبر على ما جاء من وقتك اللاش |
واستو على الشدّات راعي عزايم |
المرجله لو هي على الهون تنحاش |
حاشوا لها حتى العفون الخمايم |
محمد الفوزان |
ريحه كما زهر النفل في شعيبه |
في خايعٍ عله من الوسم تشعيب |
ممطورٍ أمس وممسي ما وطي به |
واليوم شمس وفاح طيبٍ على طيب |
سليمان بن شريم |
خطو الولد يزعل إذا ما تعشّى |
ويضحك إلى منه ملا بطنه الزاد |
ما تلتلنَّه مبعدات المعشَّى |
ما جرب الغربه ولا مرةٍ فاد |
ساره الهليل |
|
