هجمتك فعلاً قوية وأنا متصدي |
ولو أكابر قلت لك يا حبيبي: عادي |
لا تحدى لو تحدى مأنا متحدي |
ما نويت أيا تحدي لغير اضدادي |
لو ذخرت الطيب ماني معك متردي |
ذي طبيعة خافقي كان فكرك غادي |
وش حصلك؟ ليه أشوفك تشك بودي |
يا هنا عمري وكل الفرح واعيادي |
كل شخصٍ له طموحه وحلمٍ وردي |
وانت حلمي يا غناتي وكل مرادي |
ودي إنك تقتنع بي وتفهم قصدي |
وإن صمتي يوم تخطي علي متفادي |
ويوم تسأل عن غلاتك وتجهل ردي |
أعشقك وأعشق زعلك وعتبك الهادي |
وإبتعادي عنك مدة وأنا ما ودي |
أختبر حبي معك من خلال إبعادي |
ثامر بن شجاع السهلي |
|
